poze pacea pe sea i phuv te avel numai iech suno
poze pacea pe sea i phuv te avel numai iech suno

Pacea pe sea i phuv: Te avel numai iech suno?

Bucuresti , Bucuresti. Sâmbătă 23 Iulie 2022 10:00

Categorii: Alte Evenimente , Conferinte si Seminarii

O congreso regionalo le Martorengo le Iehovasche anda 2022: „Roden i pacea!”

O Congreso Regionalo le Martorengo le Iehovasche de anda cado bărș va bușiola: „Roden i pacea!”.

Manușa anda 239 thema hai thana de pe sea i phuv va avela te dichen-les online ande 500 șiba.

O baro marimos cai si acana andi Ucraina si iech bari duch na numai anda le manușa anda Europa, tha anda sea i lumea. But manușa pușen-pe dacă va mai avela vroiechdata pacea. Ando Congreso Regionalo „Roden i pacea!”, le Martori le Iehovasche andai România, cai den duma i șib rromani, hai aver milioanea manușa cai sicaven pachiamos ando Del pa sea i phuv, va avena te dichen so phenel i Biblia anda so daștil te anel pacea pe sea i phuv.

„Le Martori le Iehovasche pa sea i phuv bucurin-pe catar i pacea mașcar pende chiar cana pașa lende aver thema sar si i Ucraina hai Rusia maren-pe”, phendea o Ionuț Moraru, o purtătoro de cuvânt le Martorengo le Iehovasche andai România. „Cana le manușa anda diferime șiba, etnii hai naționalități sicaven ande penghi viața le principii cai arachen-pe andi Biblia, von daștin te train andi pacea. Cadea că o programo cadale congresosco va anela miștimata sea codolenghe cai va dichena-les.”

„Sea i lumea camel te avel pacea. Amaro Creatoro jianel că caște traisaras andi pacea, amen sar manușa si amen nevoia te cheras paruimata cadichi ande amari personalitatea, o manuș cai sam de andral, chichi vi sar phiravas-ame codolența de pașa amende. Numai o Del daștil te ajutil-ame te jianas sar te arachas i ciaci pacea. Ajucăras ande sea o ilo o programo. O fapto că daisaras te dichas cado congreso andi șib rromani, i șib amare ileschi, si iech buchi deosebime. Dichiol-pe claro că o Del camel ca sea le manușa te train andi pacea iech averența, chiar cana silen aver cultura sau șib”, phende o Romeo hai i Andrea Mihai, anda București.

Le Martori le Iehovasche cheren congresea pe sea i phuv de mai but sar 100 bărș. Sa cadea sar ande le palutne dui bărșa, vi ande cado bărș amaro congreso va avela online. Vo va avela șiuto po site-o jw.org andel șiona iulia hai augusto. O Congreso va daștila te avel dichlo vi cana jian ca i secțiunea JW Broadcasting anda i aplicația JW Library, anda savi ci trebul te pochinen chanci.

Dacă si tumen nevoia catar mai but informații anda sar daștin te dichen cado șucar congreso andai pacea, daștin te den duma ieche Martoreia le Iehovasco anda tumaro than cai beșen sau orisave Martoreia le Iehovasco cai arachen-les andi mărturia publico. Von va camena anda sea o ilo te ajutin tumen!

Ande cado bărș, va avela cărdo sea o programo de trin ghiesa le congresosco andi șib rromani. Cărdile-pe but eforturi caște avel traducime, verifichime hai te înregistril-pe sea o programo, cadea ca amare cuci rroma anda o them, anda aver thema hai oricai sile hulade pe sea i phuv, te daștin te țârden miștimata anda le șucar buchia chiar ande amari cuci hai șucar șib rromani.

Anda so va avela te del-pe duma ande cado congreso:

· Va dichaia sar i iubirea anel pacea ande amaro ilo hai vi sar ajutil-ame te rodas i pacea averența?

· Si i Biblia „iech harta cai sicavel o drom caring i pacea andi familia”?

· Sar daisaras te bucurisaras-ame paceatar chiar cana nachas prin iech nasfalimos, pharimata le lovența, dezastrea naturalo sau aver pharimata?

· Sar ajutil-ame o amalimos le Devleia te avel amen ciaci pacea?

Anda mai but informații, daștin te acharen o Departamento andal informații publico le Martorengo le Iehovasche andai România co număro de telefon 0770 315 146 sau prin e-mail co birouldeinformatiipublice.ro@jw.org.



O ghies le programosco: Savatone angla mismeri
Cana va avela șiuto po jw.org: 18 iulia
Cana le Martori le Iehovasche pa sea i phuv va dichena o programo: 23-24 iulia

O ghies le programosco: Savatone pala-mismeri
Cana va avela șiuto po jw.org: 25 iulia
Cana le Martori le Iehovasche pa sea i phuv va dichena o programo: 30-31 iulia

O ghies le programosco: Curche angla mismeri
Cana va avela șiuto po jw.org: 8 augusto
Cana le Martori le Iehovasche pa sea i phuv va dichena o programo: 13-14 augusto

O ghies le programosco: Curche pala-mismeri
Cana va avela șiuto po jw.org: 15 augusto
Cana le Martori le Iehovasche pa sea i phuv va dichena o programo: 20-21 augusto

Mai multe detalii: https://www.jw.org/rmy/

Comenteaza pe Facebook
Icon_eye Nr.vizualizari: 1396
pintea mihai a

Adaugat in urma cu 626 zile, 11 Iul. 2022

Adaugat de Pintea Mihaita

Star-half_bg_grey Star-half_bg_grey Star-half_bg_grey Star-half_bg_grey Star-half_bg_grey
Evenimente Create: 10

Alte Evenimente din Bucuresti
concert umberto tozzi reprogramat

Concert Umberto Tozzi reprogramat

Bucuresti, Bucuresti. Miercuri 29 Mai 2024
concert coldplay la bucure ti in 2024

Concert Coldplay la București în 2024

Bucuresti, Bucuresti. 12 Iun 2024 - 13 Iun 2024
concert mariza

Concert Mariza

Bucuresti, Bucuresti. Sâmbătă 18 Mai 2024
concert ville valo

Concert Ville Valo

Bucuresti, Bucuresti. Luni 8 Aprilie 2024
  • Ai ceva de zis?

    .